Josué Castor: yon jèn atis ayisyen ki chaje talan

Posted on April 07, 2018, 7:18 pm
3 mins

Josué Castor, ki gen pou non atis Jhonley G, se yon jèn mizisyen, chantè, konpozitè k ap evolye nan endistri mizikal peyi Dayiti depi lane 2015.

Jhonley G fèt 14 novanm 1989, li se sèl gason nan yon fanmi ki gen sèt (7) pitit. Li fè etid klasik li nan « Nouveau Collège de Formation Chrétienne », avan li te rann li nan Lekòl Dwa ak Syans Ekonomik Gonayiv pou etid Inivèsitè, kote li ta pral etidye Syans Administratif. Pou koulye a li se Administratè youn nan enstitisyon nan Kapital la.

Pasyon Jhonley G pou mizik tanmen depi lè l te gen 14 lane. Se konsa, li te koumanse jwe piano nan Legliz. Sou ankourajman papa l ki se yon Pastè, jenn atis la pat pran tan pou l te antre nan lekòl mizik, yon mannyè pou l te ka rive metrize ak manye enstriman yo pi byen. Plis l ap aprann se plis lanmou l pou mizik ap devlope.


Kèk lane pare, a disetan, Jhonley G komanse chante ak konpoze mizik. Li chante plizyè estil tankou : KONPA, RNB, ZOUK elatriye, yon fason pou l ka rive touche tout kalte moun kèlkelanswa preferans yo. Se konsa nan lane 2017 li te soti yon demo ki genyen 4 mizik. E l te gen chans reyalize videyo 2 nan kat mizik sila yo. Tit 2 mizik sa yo se Kontinye renmen m ak Travay pou demen w. Menmsi Johnley G pa yon non yo twò site nan monn mizikal ayisyen an, li enpòtan pou n souliye gen plizyè santèn moun ki gentan swa gade osnon tande mizik li yo gras ak kèk platfòm tankou: Youtube ak Dynasty.

Nan lide pou Jhonley G atenn plis moun, l ap travay dènye tan sa yo sou premye albòm li, k ap gen pou tit PALE DE MWEN. Albòm ki ta dwe soti nan jou k ap vini yo. Atis la fè konnen albòm sila a ap genyen 13 mizik sou li, kote y ap jwenn li an kolaborasyon ak anpil lòt atis ki pase de prezantasyon…

Rèv Josué CASTOR se vi n yon atis entènasyonal yon fason pou l reprezante kilti peyi l toupatou kote l pase. Jenn atis sila a ki boure ak talan wè l nan lane k ap vini yo tankou yon modèl tout moun ta dwe suiv, sitou jenès ayisyèn lan.

Josué CASTOR envite tout moun suiv li sou rezo sosyal yo (Facebook, Instagram ak Twitter) sou non atis li ki se: Jhonley G

Atis la fè konnen li disponib sou +509 3781 28 98 pou tout sa k gen a wè ak pwopozisyon ki ka ede l vanse nan mizik.

Ivluck A.  Yacinthe (Ivy)

Copyright © MagHaiti 2018

Commentaires

comments

Partagez sur les réseaux sociaux:
Mag Haiti est un média en ligne, basé essentiellement sur la culture haïtienne et orientée vers les communautés haïtiennes (diaspora). Nous diffusons quotidiennement des informations vérifiées sur la culture, la politique, la mode, la musique, la science, la technologie... Nous sommes disponibles sur les réseaux sociaux les plus populaires Facebook, Twitter, Youtube, Instagram et WhatsApp... Vous pouvez nous joindre par email info@maghaiti.net

Leave a Reply

  • (not be published)